Lajme

Miliona tonë mbetje plastike ‘të prodhuara’ nga pandemia

Pandemia e koronavirusit ka çuar në një rritje të konsiderueshme të mbetjeve plastike në mbarë botën.

”Sipas një vlerësimi, rreth 8,4 milionë tonë mbetje plastike u krijuan nga pandemia në 193 vende që nga gushti”, shkruajnë studiuesit nga Akademia Kineze e Shkencave, transmeton Dpa, përcjell Albinfo.ch.

Për krahasim, sipas Programit të Kombeve të Bashkuara për Mjedisin (UNEP), njerëzimi prodhon një total prej rreth 300 milionë tonë mbetje plastike në vit.

Ekipi i udhëhequr nga shkencëtarët Yiming Peng dhe Peipei Wu tani supozon se pjesa më e madhe e mbetjeve të koronavirusit,  rreth 87,4 për qind, e kanë origjinën në spitale, veçanërisht në vendet aziatike.

”Maskat dhe pajisjet e tjera mbrojtëse personale përbënin 7,6 për qind”, shtojnë ata.

”Mbetjet plastike dëmtojnë jetën detare dhe janë bërë një shqetësimi kryesor global mjedisor”, shkruajnë studiuesit.

Pandemia Covid-19 ka çuar në një rritje të kërkesës për plastika me përdorim të vetëm që intensifikon presionin mbi një problem global të mbetjeve plastike që tashmë janë jashtë kontrollit.

 


LAJME INTERESANTE NGA INTERNETI