Lajme

Ministri gjerman paralajmëron për mutacione që u rezistojnë vaksinave

E diel, 28 Mars 2021 - 14:10 albinfo.ch

Keystone

Ministri gjerman Helge Bruan, i cili është edhe mjek, ka paralajmëruar se mund të paraqiten mutacione të koronavirusit që mund t’u rezistojnë vaksinave.

Këtë parashikim Braun e ka bërë në një intervistë për “Bild am Sonntag”. Ai ka thënë se kjo është faza më e rrezikshme e pandemisë COVID-19.

“Nëse shifrat e infeksionit rriten në mënyrë rapide, gjatë fazës së vaksinimit, atëherë rritet rreziku për shfaqjen e një mutacioni të ri të virusit që mund të jetë imun ndaj vaksinave. Në këtë rast, na duhet vaksinë e re. Duhet të fillojmë nga e para”, ka thënë Braun, që është ndihmës i kancelares gjermane Angela Merkel.