Ministria e Financave: Pagat do të dalin me rritje në fund të këtij muaji

Ministria e Financave thonë se pagat do të dalin me rritje

Pak ditë pas hyrjes në fuqi të Ligjit për paga për sektorin publik, institucioni i Avokatit të Popullit e ka dërguar atë në Gjykatën Kushtetuese, si vlerësim i përputhshmërisë së këtij Ligji me Kushtetutë.

Thuhet se Avokati i Popullit ka kërkuar vendosjen e masës së përkohshme ndaj zbatimit të Ligjit për paga në sektorin publik, deri në një vendim përfundimtar nga Gjykata Kushtetuese.

Duke qenë se Ligji për paga, i sapohyrë në fuqi, rregullon rritjen e pagave për 70 për qind të punëtorëve në sektorin publik, 30 për qind do të mbeten jashtë.

Me këtȅ, Ligji për pagat do të duhej të zbatohej nga janari i vitit 2020, ku përfshihen pagat e muajit dhjetor 2019. Por, për shkak të kontestimit të këtij ligji në Gjykatën Kushtetuese, mbetet e paqartë nëse punonjësit e përfshirë në rritje të pagave, me këtë ligj do t’i marrin rrogat me rritje nga janari.

Gjykata Kushtetuese e Kosovës ka afat ligjor prej 60 ditësh për t’i dhënë një përgjigje kërkesës së Avokatit të Popullit.

Nga ana tjetër, Ministria e Financave thonë se pagat do të dalin me rritje deri në një vendim përfundimtar për pezullimin e ligjit, teksa tri sindikata kanë paralajmëruar greva e protesta nga java e ardhshme në rast se Ligji për pagat pezullohet nga Kushtetuesja, përcjell albinfo.ch.

---