Jeta në Zvicër
Miratohet Plani i Dytë i Aksionit kundër tregtisë me qenie njerëzore
Dokumenti propozon, 28 masa në fushat si parandalimi, ndjekja penale, mbrojtja e viktimave dhe bashkëpunimi ndërkombëtar. Të gjitha këto për periudhën 2017-2020
Në planin e Aksionit të Dytë Nacional për luftimin e trafikimit me qenie njerëzore , që është publikuar sot, parashihet: identifikimi më i mirë i viktimave të trafikimit, ndëshkimi i autorëve të trafikimit, sensibilizimi i opinionit dhe intensifikimi i bashkëpunimit ndërkombëtar.
Me lëvizjet migratore nga zonat e krizës, viteve të fundit është shënuar një ashpërsim i mëtejmë i problemit të tregtisë me qenie njerëzore, thuhet në një komunikatë të publikuar sot nga Zyra Federale për Polici (Fedpol) në kuadrin e aksionit të përmendur.
Duke qenë se imigrantët të shumtën e rasteve nuk do të mundeshin të merrnin vetë rrugën për në Evropë, ata detyrohen të hyjnë në borxh te trafikantët, thuhet në komunikatë. Këto borxhe pastaj ata detyrohen t`i kthejnë ose gjatë rrugës ose pasi të kenë ardhur në vendin e synuar, me punë.
Shpesh kur bëhet fjalë për viktimat e tregtisë me qenie njerëzore, nënkuptohen prostitutat. Por është më pak e njohur se migrantët edhe në Zvicër shfrytëzohen si fuqi punëtore, transmeton albinfo.ch. Dhe spektri i diskriminimit shtrihet nga pagesa e ulët, privimi nga liria në vend të punës e deri te marrja e letrave dhe kërcënimi ndaj tyre ose ndaj familjarëve.
Çdo vit identifikohen dhjetëra raste dhe udhëhiqen procedura penale për to. Por viktimat shpesh është vështirë të identifikohen. Në identifikimin e tyre mund të kontribuojnë sidomos punëtorët e shëndetësisë. Për këtë arsye, ata/ato duhet të sensibilizohen dhe të trajnohen më mirë me këtë problematikë, njësoj sikurse edhe policët, prokuroritë, organizatat joqeveritare dhe autoritetet kantonale për migracion.
Me këtë aksion, Fedpol-i synon që t`i bëjë më të vëmendshëm rreth kësaj problematike edhe sektorët ekonomikë dhe inspektoratet e punës. Një doracak në të ardhmen do t`i ndihmojë ata që t`i njohin situatat konkrete në të cilat shfrytëzohen njerëzit. Po ashtu Fedpoli do ta përshtatë statistikën kriminale në atë mënyrë që të mund të dallohen rastet e shfrytëzimit si fuqi punëtore nga ato të shfrytëzimit seksual.
Në vjeshtën e vitit 2012, federata, kantonet dhe OJQ-të kishin miratuar Planin e Parë të Aksionit. Ai parashihte marrjen e 23 masave, nga parandalimi deri te ndjekja penale e deri te mbrojtja e viktimave. Si suksese të atij aksioni, Fedpol-i konsideron për shembull unifikimin e praktikës kantonale në dhënien e lejeve të qëndrimit për viktimat e trafikimit me qenie njerëzore ose “intensifikimin e bashkëpunimit me vendet e prejardhjes”.
Në vjeshtën e vitit 2015, një grup ekspertësh të Këshillit të Evropës kishte ardhur në përfundimin se Zvicra po ndërmerrte tepër pak kundër tregtisë me qenie njerëzore. Veç tjerash, shkalla e mbrojtjes së viktimave ndryshonte shumë nga kantoni në kanton. Po ashtu, sipas ekspertëve, në Zvicër janë njohur tepër pak viktima të tregtisë me qenie njerëzore dhe të shfrytëzimit në punë.
Kjo kritikë ka qenë një bazë me rëndësi për planin aktual të aksionit kundër tregtisë me qenie njerëzore, shkruan Fedpol. Dokumenti propozon, 28 masa në fushat si parandalimi, ndjekja penale, mbrojtja e viktimave dhe bashkëpunimi ndërkombëtar. Të gjitha këto për periudhën 2017-2020.
Të tjera nga Jeta në Zvicër
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla