Koronavirusi: çast pas çasti

Mjekët kantonalë, për detyrimin e maskave edhe në dyqane dhe klube

"Nga pikëpamja epidemiologjike, një maskë mbrojtëse do të rekomandohej në të gjitha dyqanet dhe të gjitha vendet e tjera me turma njerëzish"

Detyrimi për të vënë maskë mbrojtëse në transportin publik nuk është masë e mjaftueshme, sipas mjekëve kantonalë.

Rudolf Hauri, presidenti i Shoqatës së Mjekëve Kantonalë, ka thënë për “Radio SRF”, sot, në mëngjes se ai do të mirëpriste detyrimin që maskat mbrojtëse të barten në të gjithë hapësirën publike.

Nga pikëpamja epidemiologjike, një maskë mbrojtëse do të rekomandohej në të gjitha dyqanet dhe të gjitha vendet e tjera me turma njerëzish, ka thënë tutje Hauri.

Presidenti i Shoqatës së Mjekëve Kantonal të Zvicrës (VKS) gjithashtu ka përshëndetur masën e karantinës për ata që vijnë nga vendet me rrezik të lartë, masë kjo që është urdhëruar nga Këshilli Federal të mërkurën, transmeton albinfo.ch. Qëndrimi në karantinë, megjithatë, nuk është qëndrim në burg, por një element i vullnetarizmit.

Mjekët kantonalë janë një organ kontrolli, por edhe një pikë kontakti. Pasqyrimi dhe të kuptuarit e nevojës për karantinë janë të rëndësishme, ka sqaruar më tej mjeku kantonal nga Kantoni i Zug-ut.