Lajme
Mjekja gjermane, për 5 euro i “liron” zviceranët nga detyrimi i maskës
Një veprim i këtillë e bën të dënueshëm veprimin e mjekes në Gjermani. Por, në Zvicër, ajo nuk mund të ndiqet penalisht. Mirëpo, edhe ata që porosisin çertifikata të tilla mjekësore mund të ndëshkohen
Detyrimi për vënie të maskës në transportin publik në Zvicër po zbatohet kryesisht mirë por ka dhe rezistencë ndaj tij. Për shembull, “Rebelët e Koronës” po luftojnë kundër kësaj duke shpërndarë fletushka me përmbajtje dyshuese, shkruan 20minuten.ch.
Kohët e fundit ata kanë rekomanduar mashtrimin më të ri: kundërshtarët e maskës mund të porosisin një vërtetim mjekësor nga mjekja gjermane Monika J., me të cilin “dëshmojnë se për shkaqe mjekësore nuk mund të bartin maskë, transmeton albinfo.ch. E gjithë ajo që duhet të bëjnë është të shkruajnë fjalën e saktë në formular dhe të japin një arsye për mosmbajtjen e maskës, si “sulm paniku” ose gulçim. Natyrisht aty duhet të shkruajnë edhe emrin, mbiemrin dhe datën e lindjes. Pas kësaj, vërtetimi mjekësor ju vjen Certifikata në inbox brenda 24 orësh, kundrejt një pagese prej 5 eurosh.
“Rebelat e Koronës” pohojnë se kjo praktikë është e ligjshme. Por ndryshe mendojnë disa ekspertë juridikë zviceranë të intervistuar nga 20 minuten.
Kështu, avokatja Evalotta Samuelsson, e specializuar për mjekësinë ligjore, thotë: “Nëse një diagnozë hartohet dhe bëhet pa konsultim personal, i bie që mjeku me dëshirë dhe me vetëdije po vërteton një fakt të gabuar. Duke vepruar kështu, ai shkel detyrat themelore profesionale dhe rregullat sjhtetërore”.
Një veprim i këtillë e bën të dënueshëm veprimin e mjekes në Gjermani. Por, në Zvicër, ajo nuk mund të ndiqet penalisht, transmeton albinfo.ch. Mirëpo, edhe ata që porosisin çertifikata të tilla mjekësore mund të ndëshkohen, thotë Samuelsson: Një certifikatë mjekësore është një dokument.
Kushdo që nxit dikë të falsifikojë një dokument është gjithashtu i dënueshëm. Nëse procedura vërtet është ashtu siç po përshkruhet, unë mendoj se këtu ka një delikt. »
Sipas Samuelsson, nxitja e falsifikimit të dokumenteve mund të dënohet me burgim deri në pesë vjet ose me gjobë, përcjell albinfo.ch. Avokatja e thotë qartë: “Nuk bëhet fjalë për ndonjë çështje të vogël ose vepër të papërfillshme”.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf