Maqedonia
Mjekja shqiptare Alinda Ramadani tregon pse braktisi Maqedoninë e shkoi për punë në Gjermani
![](https://www.albinfo.ch/wp-content/uploads/2023/12/screenshot_20231212_220539_messenger-587x384.jpg)
Meritat profesionale për të arritur deri tek specializimi dhe korrupsioni ishon ndër shkaqet që detyruan doktoreshën e re Alinda Ramadani të braktiste Maqedoninë e Veriut e të merrte rrugën drejt Gjermanisë për të vazhduar karrierën e saj.
“Për profesionin tim është shumë e vështirë të arrihet diçka atje (në Maqedoninë e Veriut), duke marrë parasysh korrupsionin që është gjatë përfitimit të së drejtës për të specializuar; pagat e ulëta, diskriminimi i cili është evident jo vetëm mbi baza gjinore, po edhe mbi baza nacionale. Këto janë disa nga arsyet që u largova për sa i përket aspektit profesional”, tha ajo për rel, përcjell albinfo.ch.
Mes tjerash, doktoresha me prejardhje nga Shkupi tregon se vetëm viti i parë ka qenë i vështirë për të, pasi është dashur të kompletojë dokumentacionin e nevojshëm dhe njëkohësisht t’u nënshtrohet provimeve plotësuese. Mirëpo, më pas, siç shprehet ajo gjithçka në aspektin e ngritjes profesionale si mjeke ka qenë më e lehtë.
“Aspak nuk ka qenë e vështirë të gjej punë. Punë kam gjetur menjëherë. Në fillim është pak vështirë se është një zinxhir i mbledhjes së dokumentacionit, por unë kisha fat se kisha një kushëri që më ndihmoi që në afat rekord t’i kryeja punët administrative dhe të filloja me punë menjëherë”, thekson Ramadani duke shtuar se profesioni si mjek ofron pafund vende pune.
“Aktualisht, ku punoj si mjeke në një klinikë këtu në Berlin, jam shumë e kënaqur edhe me ekipin mjekësor, mundësinë që të mësoj nga të tjerët që janë më të avancuar në këtë profesion. Ekipi, njëri me tjetrin, janë shumë të afërt dhe gjithmonë të gatshëm për ndihmë kur duhet”, tregon ajo.
Ndërkohë, autoritetet zyrtare të Maqedonisë së Veriut nuk japin të dhëna se sa është numri i mjekëve që janë larguar.
Të tjera nga Maqedonia
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n