Modeli i “Origjinës së Botës” të Courbet më në fund është identifikuar

(KEYSTONE/Patrick Straub)

Disa emra në histori janë vënë në përpjekje për të identifikuar gruan, që u bë model për Gustave Courbet, për këtë pikturë të famshme botërore, të ekspozuar në Musée d’Orsay, e realizuar në vitin 1866 me kërkesë të diplomatit osman Khalil Bey, figura e pabesueshme e “Tout-Paris” e vitit 1860.

Si modele atij i ka shërbyer valltarja 34-vjeçare Constance Quéniaux, ka zbuluar në një libër të vetin studiuesi letrar francez Claude Schopp.

Sipas Schopps, Quéniaux ishte një nga dashnoret e diplomatit osman Khalil-Bey. Courbet pikturoi pamjen e saj me famë botërore në vitin 1866 me autorizimin e tij. Shkrimtari Schopp ish balerinës së Operës i ra në gjurmë rastësisht, kur ai po hulumtonte një letër të shpërfillur më parë, të shkrimtarit Alexandre Dumas i Riu, përcjell albinfo.ch.

“Tani, për 99 për qind jemi të sigurt se bëhet fjalë për modelen Constance Quéniaux të cilën e pikturoi Courbet”, ka pohuar ekspertja grafike e Bibliotekës Kombëtare të Francës, Sylvie Aubenas, për agjencinë e lajmeve AFP, transmeton Albinfo.ch.

Më herët, në botën e artit kanë qarkulluar emrat e disa grave të tjera, si një model i mundshëm për “Origjinën e Botës”, edhe pse nuk kanë qenë të bindshëm për disa arsye.