Mogherini priti në takime të ndara krerët kosovarë dhe ata serbë

Pas përfundimeve të takimeve bilaterale me delegacionet e Kosovës dhe Serbisë, të dy delegacionet do të do të zhvillojnë një darkë pune, ku e pranishme do të jetë edhe Mogherini

Përfaqësuesja e lartë e BE-së për politikë të jashtme dhe siguri, Federica Mogherini, ka filluar takimin në Bruksel me presidentin Hashim Thaçi dhe kryeministrin Isa Mustafa.

Mogherini paraprakisht ka takuar presidentin e Serbisë Tomislav Nikoliq dhe kryeministrin Aleksandar Vuçiq, shkruan rtklive.com.

Pas përfundimeve të takimeve bilaterale me delegacionet e Kosovës dhe Serbisë, të dy delegacionet do të do të zhvillojnë një darkë pune, ku e pranishme do të jetë edhe Mogherini.

Gjatë takimit, i cili besohet se do të zgjasë disa orë, do të tentohet të ulen tensionet në mes të Prishtinës dhe Beogradit, pas provokimit që Serbia bëri me trenin dhe arrestimin e ish-kryeministrit Ramush Haradinaj.

Takimi i sotëm është i nivelit më të lartë që kanë mbajtur Prishtina dhe Beogradi ndonjëherë.

Mogherini ka shpërndarë në fb dy fotografi, njërën ku shihet me krerët serbë, dhe tjetrën, me krerët kosovarë.