Muçiqi pëlqehet nga Lugano

Alban Muqiqi, ka kaluar provën kryesore në ndeshje miqësore me Ticinon

Portieri i Prishtinës, Alban Muqiqi, pas ndeshjes miqësore ndërmjet Luganos dhe Ticinos, përfundimisht ka siguruar pëlqimin e skuadrës zvicerane dhe në qershor pritet nënshkrimi i marrëveshjes. Lajmin e ka konfirmuar, Afrim Muçiqi, nënkryetari i FC Prishtina dhe babai i Albanit.

“Albani e ka bindur Luganon pasi i ka kaluar me sukses të shkëlqyeshëm provat. Zyrtarizimi do të bëhet në qershor”, ka thënë Afrimi, shkruan uebsajti zyrtar i Prishtinës, përcjell albinfo.ch.

Ndërsa, Albani, ka theksuar me këtë rast. “Po ndjehem shume mir , realisht si në ëndërr, sepse vet ëndrra më është bërë realitet, prej qershorit do të jem në Lugano, por në zemër do ta kem gjithmonë Prishtinën”, ka shtuar Albani, i cili është ndër lojtarët e shumtë që nga Prishtina dalin në arenën ndërkombëtare.