Mungesa e rrymës u shkaktoi humbje bizneseve gjysmë miliardi euro

jo kosto e madhe është bërë përgjatë 18 vjetëve dhe problemi me energjinë vazhdon të mos ketë zgjidhje

Mbi gjysmë miliardi euro janë investimet që bizneset i kanë bërë vetëm në gjeneratorë për të pasur furnizim të rregullt me energji. Kjo kosto e madhe është bërë përgjatë 18 vjetëve dhe problemi me energjinë vazhdon të mos ketë zgjidhje.

Sipas kryetarit të Odës Ekonomike të Kosovës, Safet Gërxhaliu, vazhdimi i kësaj situate vetëm sa e përkeqëson klimën e biznesit, e cila në studimin e fundit të bërë, del të jetë më e mirë. Gërxhaliu ka thënë se përkundër një agjende politike të mbingarkuar, sektori privat është duke ecur në hapa të sigurt para politikës.

Pjesa më e madhe nga 500 biznese kanë parashikuar rritje të trendëve ekonomikë dhe të punësimit.

Komunat e Ferizajt, e Mitrovicës dhe e Prishtinës pritet të ofrojnë rritje të vendeve të punës në sektorët e shërbimeve, tregtisë, prodhimit dhe ndërtimit.