Ukraina
Mungesa e stafit në Twitter lë hapësirë për propagandën ruse
Qindra llogari të propagandës shtetërore ruse dhe kineze po lulëzojnë në Twitter pasi Elon Musk largoi ekipin që luftonte këto rrjete, shkruan BBC. Njësia punoi për të luftuar “operacionet e informacionit”, fushata të koordinuara nga vende të tilla si Rusia, Kina dhe Irani, të bëra për të ndikuar në opinionin publik dhe për të prishur demokracinë, përcjellë albinfo.ch.
Por ekspertët dhe ish-punonjësit thonë se shumica e këtyre specialistëve dhanë dorëheqjen ose u pushuan nga puna, duke e lënë platformën të pambrojtur ndaj manipulimeve të huaja. BBC ka folur me disa prej tyre. Ata kërkuan anonimitetin, duke përmendur marrëveshjet e moszbulimit dhe kërcënimet që merrnin në internet. “E gjithë shtresa njerëzore është fshirë. Gjithçka që ka mbetur në Twitter janë sisteme të automatizuara zbulimi,” tha një ish-punonjës i lartë, përcjellë albinfo.ch.
Në një intervistë për BBC të martën, Musk pretendoi se kishte “më pak dezinformata sesa më herët ” nën mandatin e tij. Ai nuk komentoi fermat aktive të trolleve shtetërore në platformë dhe as ekipin që i luftonte ato. BBC ka provuar të kontaktojë me Twitter -in për koment por nuk kanë marrë asnjë përgjigje përveç një emoji poo – përgjigja standarde automatike nga kompania për çdo pyetje për shtyp, përcjellë albinfo.ch.
Në janar, një karikaturë që promovonte veprimet e Grupit Wagner të Rusisë në Mali u bë virale në Twitter. Tani, një grup i ri i trollëve rusë është aktiv në Twitter e që mbështet luftën e Putinit në Ukrainë, tallet me Kievin dhe Perëndimin dhe sulmon botimet e pavarura në gjuhën ruse, duke përfshirë Shërbimin Rus të BBC-së. Shumë nga llogaritë e këtyre trollëve janë pezulluar, por dhjetëra janë ende aktive, përcjellë albinfo.ch.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll