Muriqi me 10 gola, lë pas shumë yje

Sulmuesi nga Kosova lë pas Lewandowskin në listën e golashënuesëve më të mirë të kampionatit, ndërsa përpara sheh vetëm Ferran Torresin (11 gola) dhe Mbapen (18 gola)

Sulmuesi i Kosovës, Vedat Muriqi, ka gjetur golin e dhjetë në La Liga me fanellën e Mallorcës. Sulmuesi dardan, shënoi me penallti në minutën 90+1, ndaj Gironës, në duelin që u fitua nga këta të fundit me rezultatin 1:2, transmeton albinfo.ch.

Pavarësisht përpjekjeve, Muriqi nuk arriti të shmangte humbjen e skuadrës së tij që renditet në vendin e 15-të në kampionat me 18 pikë në 18 ndeshje.

Këtë sezon 31-vjeçari është aktivizua 17 ndeshje në kampionat me Mallorcën, sezonin më produktiv, sulmuesi i Kosovës, e ka pasur në vitin 2022/2023, ku në 35 ndeshje realizoi 15 gola dhe 3 asistime.

Sulmuesi nga Kosova lë pas Lewandowskin në listën e golashënuesëve më të mirë të kampionatit, ndërsa përpara sheh vetëm Ferran Torresin (11 gola) dhe Mbapen (18 gola).

Ndërkohë, poshtë tij në listën e golashënuesëve më të mirë të La Ligës gjendjen yje si Yamal, Rafinha, Vinicius Junior, Julian Alvarezi etj..

---