Mustafi emërohet zëvendëstrajner i Gjermanisë U21

Shkodran Mustafi emëroher zëv/trajner i Kombëtarës U21 të Gjermanisë

Kujtojmë se Shkodran Mustafi kishte fituar kampionatin botëror me Gjermaninë në vitin 2014.

Ish-mbrojtësi i njohur i Kombëtares së Gjermanisë po me rrënjë shqiptare, Shkodran Mustafi, është shpërblyer për punën e tij në Kombëtaren gjermane U17, ku shërbente si asistent i komisarit teknik Marc-Patrick Meister, përcjell albinfo.ch.

Federata Gjermane e Futbollit ka njoftuar se nga data 1 shtator, 33-vjeçari do të jetë zëvendëstrajner i Kombëtares U21 të Gjermanisë, në krah të trajnerit Antonio Di Salvo.

“ Shkodrani ka treguar gjatë vitit që punoi me ekipin U-17 se mund të ndihmojë të rinjtë të rriten profesionalisht. Ai njeh shumë prej lojtarëve me të cilët do të punojë në të ardhmen. Eksperienca e tij në fushë i jep një shtysë të re ekipit përfaqësues ”, është shprehur drejtori i Përgjithshëm i Federatës Gjermane të Futbollit, Andreas Rettig.

Mustafi, i lindur në Gjermani me prejardhje nga Gostivari, ka një karrierë të pasur si futbollist, duke fituar Kupën e Botës me Gjermaninë në vitin 2014 dhe duke luajtur për klube si Valencia, Arsenal e Schalke.

---