Mynih: Organizohet simpozium shkencor për diasporën

Shoqëria e akademikëve shqiptarë “Dija”, në Mynih, organizoi në datat 24 dhe 25 nëntor 2023 simpozium shkencor me temën “Ndërtimi i një platforme për përkrahjen e bashkëpunimit dhe rrjetëzimit të diasporës shkencore shqiptare”, në kudër të veprimtarive “Takimet e Mynihut”, shkruan albinfo.ch.

Agjencia Kombëtare e Diasporës mori pjesë së bashku me përfaqësues nga Ministria e Punëve të Jashtme dhe Diasporës e Republikës së Kosovës, GIZ Albania dhe Germin, ku ishin të pranishëm akademikë nga diaspora, Shqipëria e Kosova, si dhe studentë nga Gjermania.

Drejtoresha e Drejtorisë së Diasporës gjatë fjalës së saj në panel informoi të pranishmit mbi veprimtarinë e Agjencisë, si dhe objektivat në mbështetje të diasporës shqiptare.