Napoli-Hysaj, nuk po ecë

Elseid Hysaj

Sezoni për futbollistin e Kombëtares, Elseid Hysaj, ka qenë plot me ulje e ngritje.

Në fillim shkodrani nuk ishte i preferua nga Ançeloti teksa humbi edhe statusin e titullarit në ekip.

Megjithatë, performancat e fundit u dukën sikur rikthyen Hysajn e vjetër, i cili ishte i pakalueshëm në mbrojtje dhe bënte maksimumin në sulm.

Por, paraqitja e fundit në ndeshjen e Ligës së Europës kundër Arsenalit, nuk ishte nga më të mirat e Hysajt me fanellën e kaltër dhe mediat nuk e toleruan aspak teksa i faturuan një pjesë të madhe të përgjegjësisë, shkruan Indeksonline, përcjell Albinfo.ch.

Ndërkaq, Napoli tashmë nga raportimet e mediave angleze është hedhur në sulm për mbrojtësin e Kombëtares së 3 Luanëve dhe Totenhemit, Kieran Tripier.

Në këtë formë duket se italianët kanë vendosur të ndërhyjnë në merkato pikërisht në krahun e Hysajt, ndërsa me shumë mundësi shkodrani sezonin e ardhshëm do ta vazhdojë karrierën diku tjetër, pasi pavarësisht gjithçkaje ofertat për 25-vjeçarin nuk mungojnë.