Nasha Kandiq nominohet për çmimin Nobel për Paqe

Dy kongresistë amerikanë kanë nominuar aktivisten për të drejtat e njeriut, Natasa Kandiq dhe Qendrën e saj të së Drejtës Humanitare për çmimin Nobel për Paqe.

Kjo qendër dokumenton krimet e kryera gjatë luftërave në Jugosllavi, përcjell albinfo.ch.

Senatorët amerikanë, Roger Wicker dhe përfaqësuesi Eliot Engel të mërkurën nominuan serben.

“Besojmë se një njohje e këtillë do të kontribuonte tutje në kauzën për paqe dhe pajtim në këtë dhe rajonet tjera të trazuara në botë”, shkruan Wicker dhe  Engel në letrën e nominimit dërguar Komitetit norvegjez për Nobel.

Kandiq kishte themeluar Qendrën për të Drejtën Humanitare në vitin 1992 për të dokumentuar krimet e luftërave që ndodhën në Ballkan, e sipas dy kongresistëve, “dokumentimi i detajuar i këtyre krimeve është bërë esencial për drejtësinë, si në Tribunalin e Hagës, ashtu edhe në ish-Jugosllavi, por edhe në gjykatat rajonale për krime lufte”.