NATO mobilizon 3,000 forca elitare në stërvitjen më të madhe në Evropë

Foto FB: NATO Kosovo Force - KFOR Foto nga arkiva

NATO ka nisur stërvitjen më të madhe të forcave speciale në Evropë, ku po marrin pjesë rreth 3,000 ushtarë elitarë nga SHBA-ja, Mbretëria e Bashkuar dhe 22 vende të tjera.

Stërvitja 10-ditore po zhvillohet në 10 shtete dhe ka për qëllim të testojë reagimin e aleancës ndaj skenarëve të mundshëm të sabotimit, sulmeve kibernetike dhe infiltrimeve nga një kundërshtar i paidentifikuar, i cili dyshohet të jetë Rusia.

Në ushtrime janë përfshirë edhe vende partnere të NATO-s, përfshirë Zvicrën dhe Gjeorgjinë, ndërsa pjesëmarrja e SHBA-së thekson rolin e saj të rëndësishëm në sigurinë e Evropës.

Paralelisht, raportohet se Pentagoni ka anuluar disa plane për dislokim të trupave amerikane në Poloni dhe disa vende të tjera evropiane, përfshirë shtetet baltike dhe Rumaninë. Po ashtu është pezulluar edhe një vendosje më e vogël ushtarake në Gjermani, në kuadër të rishikimeve të pranisë ushtarake amerikane në Evropë.