Natyralizimi në qytetin e Lucernit: Pas gjermanëve, më së shumti kosovarë

Komisioni i natyralizimit ka trajtuar gjithsej 253 aplikime natyralizimi në vitin 2019. Kjo është rreth 50 më pak se një vit më parë

Shumica e të huajve që janë natyralizuar në qytetin e Lucernit gjatë vitit 2019, vijnë nga Gjermania (78 persona). Pas tyre vijnë shtetasit e Kosovës (34 persona) dhe ata të Sri Lankës (31 persona), shkruan zentralplus.ch.

Komisioni i natyralizimit ka trajtuar gjithsej 253 aplikime natyralizimi në vitin 2019. Kjo është rreth 50 më pak se një vit më parë.

317 persona kanë siguruar  nënshtetësinë e Luzernit (këtu hynë edhe aplikimet e bëra para votiot 2019), transmeton albinfo.ch. Komisioni ka hedhur poshtë 14 aplikime.

Arsyet për refuzim kanë qenë: mangësia në njohjen e gjermanishtes, njohja e pamjaftueshme e politikës shtetërore të Zvicrës, të ardhurat e pamjaftueshme për të mbuluar koston e jetesës, mospërmbushja e kushteve të banimit, hyrja në regjistrin penal zviceran, mosrespektimi i sistemit juridik zviceran dhe  mosrespektimi i detyrimit për bashkëpunim.

Vetëm njëri nga aplikantët e refuzuar ka ushtruar ankesë kundër vendimit në Departamentin e Drejtësisë dhe Sigurisë së Kantonit të Lucernit, përcjell albinfo.ch. Kjo ankesë është akoma në pritje.

Aplikantët e tjerë kanë pranuar vendimin e komisionit komunal të natyralizimit. Aplikimi i natyralizimit është pezulluar për 69 persona.

---