Ndihmat nga Diaspora, më së shumti mërgimtarët nga Zvicra

Mërgimtarët nga Zvicra edhe një herë e kanë ndihmuar Kosovën, në këto kohë të vështira

Diaspora shqiptare gjithmonë e ka ndihmuar Kosovën, që nga paralufta e deri më tani. Ndihma e tyre ka qenë shumë e madhe dhe në shumë sektorë, shkruan albinfo.ch.

Ditë më parë kryeministri në detyrë i Kosovës, Albin Kurti, ka kërkuar ndihmë nga diasporë për të luftuar pandeminë Covid-19.

Diaspora ka reaguar menjëherë, duke dëshmuar se gjithmonë është e gatshme të ndihmojë vendlindjen.

Deri më tani mbi 320 mijë euro i ka dhuruar diaspora për Qeverinë e Kosovës në luftimin e COVID-19.

Lajmin e ka bërë të ditur ministri i Financave dhe Transfereve, Besnik Bislimi përmes një shkrimi në Facebook, teksa ka falënderuar mërgimtarët për ndihmën. “Nga kjo shumë, mbi 180.000 janë nga mërgata jonë në Zvicër, 70.000 nga Gjermania, për të vazhduar me Suedinë, Norvegjinë, Austrinë, Mbretërinë e Bashkuar, Belgjikën dhe Shtetet e Bashkuara të Amerikës. Mërgatë e dashur, 321.663 herë faleminderit nga ana ime, e Qeverisë, dhe gjithë Kosovës”, shkroi Bislimi në Facebook.

 

---