Në Cyrih protestohet kundër “Gënjeshtrës së koronës”

Mbrapa aktivitetit qëndorn Forumi i Qytetarëve Zviceranë, themeluar nga ish-këshilltari i  SVP-së në Asamblenë e Cyrihut, Daniel Regli

Rreth 500 persona janë mbledhur në Cyrih pasditen e të shtunës, që nga ora 13 e 30 për të protestuar kundër asaj siç e quajnë ata “gënjeshtër e Koronës” dhe masave mbrojtëse të Koronës.

Pasi që shtë protesta ende po vazhdon, është e hapur nëse ata do të kryejnë edhe  marshimin e tyre demonstrues, të planifikuar në Platzspitz, afër Stacionit kryesor të trenit në Cyrih, shkruan sda.ch.

Organizatorët në të vërtetë kishin bërë thirrje për një demonstratë nga Turbinenplatz në Rrethin 5 deri në Platzspitz, transmeton albinfo.ch. Por, policia e qytetit u ka lejuar atyre vetëm protestim duke qëndruar në këmbë në Turbinenplatz, pa marshimin e përmendur për në Platzspitz.

Policia e qytetit ishte në vend të ngjarjes, me një kontigjent të madh dhe me të ashtuquajturat “skuadra dialogu”, që kërkonin bashkëbisedim me demonstruesit.

Aktori i humorit Marco Rima dhe satiristi Andreas Thiel ishin “mysafirët yje” në këtë demonstratë.

Duke qenë se protestuesit nuk po e respektojnë distancën dhe shumica e tyre nuk kanë maska, policia ka kërcënuar të ndërhyjë për të shpërndarë protestën.

Mbrapa aktivitetit qëndorn Forumi i Qytetarëve Zviceranë, themeluar nga ish-këshilltari i  SVP-së në Asamblenë e Cyrihut, Daniel Regli, përcjell albinfoi.ch. I njohur si besimtar i krishterë, Regli qëndron gjithashtu prapa demonstratës kundër abortit “Marshi për jetën”.

---