Në ditën ”Gjuha ime”

Të mërkurën, më 1 shkurt 2012, në një nga sallat e qendrës kulturore të Ministrisë së Diasporës në Prishtinë u bë promovimi i portalit “Gjuha ime”. Zoti Ibrahim Makolli, Ministër i Diasporës në Kosovë, njëkohësisht edhe organizator i veprimtarisë.

Që në ketë çast për fëmijët tanë është një ditë e shënuar, një orë e madhe e jetës. Për ata rreth atij ekrani të bardhë do të hapet një botë tjetër, një dritare e madhe nga ku shihet me gjuhë dhe me shpirt Atdheu, Shqipëria, Kosova … Rreth saj do të mblidhen shumë e shumë fëmijë që i ka marrë malli për vatrën dhe gjuhën shqipe, qe ndryshe e quajmë gjuhë e zemrës. Me vëmendje të madhe do të kyçen edhe më të mëdhenjtë, prindërit duke e rritur krenarinë te fëmijët për vlerat që ka vendi ku kanë lindur dhe për të cilin mendojnë e punojnë ditë e natë.

E përshëndesim Ministrin për punën shumë të mirë e të vyer që ka filluar të bëj për fëmijët shqiptarë larg atdheut, në Diasporën e mjerë. U bënë kaq vite dhe askush nuk u kujdes për gjithë këta fëmijë shqiptarë nëpër botë që çdo ditë janë nën nofullat e asimilimit.

Mësuesit e shqipes morën guximin kanë hapur shkollën e mësimit plotësues të gjuhës shqipe nga klasa e parë në të dhjetën, duke u ngritur më lartë se Abetarja. Njëzetë vjet ka që është hapur shkolla e mësimi plotësues të gjuhës shqipe nëpër disa kantone të Zvicrës. Por janë qindra e mijëra fëmijë të moshave 6 -10 vjet që nuk dinë ta thonë emrin e vet në gjuhën shqipe e mos të flasim për shkrim -lexim. Humbja e gjuhës shqipe te fëmijët e mërgimtarëve shqiptarë është një humbje e madhe kombëtare.

Larg atdheut ka shumë faktorë që e pengojnë rrugën drejt gjuhës shqipe, por për shumë fëmijë që e duan gjuhën e nënës dhe të babait dhe flasin me ta shqip, jam e sigurt se me këtë abetare do t’i kalojnë shumë pengesa gjuhësore.

Me Abetaren, fillon gjuha jonë e bukur dhe lashtë. Me abetaren mësohen 36 shkronjat e gjuhës shqipe. Me këtë abetare elektronike do të lidhet formimi arsimor e kulturor i brezit të ri në diasporë.

Fëmijë të dashur,vizitoni faqen www.gjuhaime.com ku do të gjeni mësime të gjuhës shqipe.

Vitin e ardhshëm kur do të shkoni në Atdhe do të dini të flisni dhe të shkruani gjuhën e prindërve tuaj. Por kam frikë se moshatarët, kushërinjtë dhe kushërirat tuaj do të ju thërrasin përsëri « ky zvicerani që nuk di shqip, kjo zvicerania… »

Me abetaren fillon gjuha shqipe por me abetaren nuk mbaron. Pas saj vjen kënga, gramatika,letërsia, historia, gjeografia, muzika…Ata mësohen në klasën e dytë , të tretë,… të pestë,.. të nëntë…

Respekt për themeluesit e Qendrës shqip folëse me nivel profesional dhe suksese në punën e tyre FISNIKE.