Tematike
Në kufijtë serbë sërish gjoba për patentshoferin ndërkombëtar
"Me gjithë faktin se kanë patentshoferi të vlefshme, automobilsitët detyrohen të paguajnë gjoba deri në 250 euro"
Në vendkalimet kufitare të Serbisë megjithatë po gjobiten automobilistët që nuk kanë me vete lejen ndërkombëtare të vozitjes. Kjo, me gjithë zotimet dhe përbetimet e autoriteteve serbe se për të kaluar nëpër Serbi mjafton leja e zakonshme (patentshoferi) e lëshuar në Zvicër ose në shtetet e BE-së.
“Nga fillimi i qershorit po marrim në vazhdimësi njoftime nga njerëzit, të cilët me gjithë faktin se kanë patentshoferi të vlefshme, detyrohen të paguajnë gjoba deri në 250 euro”, citon gazeta 20 minuten ekspertin e komunikacionit Thomas Haider nga ARBÖ, organizata e dytë më e madhe e Austrisë për trafikun rrugor.
Kush nuk pranon të paguaj duhet të kthehet mbrapa ose të provojë fatin në një vendkalim tjetër kufitar, shton Haider.
ARBÖ ashtu si dhe Zyra Federale e Zvicrës për Rrugë (ASTRA) kanë prezantuar shqetësimet e automobilistëve në ambasadat përkatëse të Serbisë, në Austri dhe në Zvicër. Përgjigjet e tyre kanë qenë se “është absolutisht e pamundur të ndodhë diçka e tillë. Patentshoferi i zakonshëm në formë të kartës së kreditit është plotësisht i mjaftueshëm për të kaluar nëpër Serbi”.
Por, zotimet e zyrtarëve serbë duket se nuk përputhen me të dhënat nga terreni. “Nuk mund të gjykoj nëse zyrtarët kufitarë po veprojnë në bazë të urdhëresave nga lartë ose jo por është e kuptueshme që autoritetet zyrtare ta mohojnë një gjë të tillë”, ka thënë Haider për gazetën.
Ndërkohë, vazhdon 20 minuten, njerëzit që detyrohen të kalojnë nëpër kufijtë e Serbisë, me të drejtë nuk besojnë shumë në deklarimet e zyrtarëve serbë. “Ndërkohë është pakësuar numri i ankesave për gjobitjet në kufij. Por megjithatë, vetëm nga fillimi i kësaj jave kemi pasur së paku 50 raste të gjobave të tilla arbitrare”, ka thënë Thomas Haider nga ARBÖ.
Ai thotë po ashtu se organizata e tij ka shtruar sërish pyetje në AMsbadaën e Austrisë në Beograd por ende nuk ka marrë përgjigje.
Të tjera nga Tematike
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
Zvicra ‘shtyn’ ukrainasit të punojnë më shumë Plani synon që 40% të funksionojë deri në fund të 2024 dhe 45% deri në fund...
-
Kështu e imagjinojnë qytetin e tyre vajzat e Bazelit
-
Përdorimi më i ulët i armëve të policisë zvicerane në 14 vjet
-
Zvicra në referendum për të ndalur rritjen e popullsisë
-
Protesta, arrestime, diskualifikime: Kjo ishte finalja e Eurovisionit