Nehammer, ‘pesimist’ pas takimit me Putinin

Kancelari austriak, Karl Nehammer, tha të hënën se ai ishte “mjaft pesimist” në lidhje me perspektivat që diplomacia t’i japë fund konfliktit në Ukrainë pas takimit të tij me presidentin rus, Vladimir Putin, shkruan albinfo.at.

Duke e përshkruar Putinin si “ka hyrë masivisht në një logjikë lufte”, Nehammer u tha gazetarëve pas takimit të tij se ai ishte “më tepër pesimist” për suksesin e negociatave, “sepse bisedimet e paqes janë gjithmonë shumë intensive në kohë, ndërsa logjika ushtarake thotë: “Mos”, mos shpenzoni shumë kohë dhe shkoni direkt në betejë”.

Nehammer ishte lideri i parë perëndimor që vizitoi Putinin që nga pushtimi, duke e bërë këtë me shpresën për t’i dhënë fund pushtimit. “Bisedimet e paqes janë gjithmonë shumë intensive, ndërsa logjika ushtarake thotë: “Mos shpenzoni shumë kohë dhe shkoni direkt në betejë”, shtoi ai.

Megjithatë, ai tha se foli me shefen e Komisionit Evropian, Ursula von der Leyen dhe kancelarin gjerman, Olaf Scholz, pas takimit dhe tha se u kishte bërë përshtypje “nevoja për më shumë takime të tilla” për të shprehur drejtpërdrejt zemërimin evropian ndaj veprimeve të Rusisë. Ndërsa, Nehammer tha se kishte “shumë pak interes nga pala ruse për një takim të drejtpërdrejtë” me presidentin ukrainas, Volodymyr Zelensky. Ai tha se e vetmja fije shprese ishte interesi i vazhdueshëm i Putinit në bisedimet e paqes në Stamboll. Në një deklaratë të mëparshme, Nehammer kishte thënë se takimi i tij midis dy burrave, i cili u zhvillua në rezidencën e Putinit jashtë Moskës, nuk ishte “një vizitë miqësie”, përcjell tutje albinfo.at.