Nëna duke i shpëtuar fëmijët, mbytet në Ulqin

Kosovarja Dua Dauti-Kadriu, psikologe ka arritur t’i shpëtoj fëmijët, por fatkeqësisht vetë kishte përfunduar në valët e detit. E ndjera, është gjetur pas tri orësh në Plazhin e Madh në Ulqin

Një nënë 36 vjeçare nga Kosova ka humbur jetën në Ulqin, derisa po mundohej t’i shpëtonte fëmijët e saj që po laheshin në det. Kosovarja Dua Dauti-Kadriu, psikologe ka arritur t’i shpëtoj fëmijët, por fatkeqësisht vetë kishte përfunduar në valët e detit. E ndjera, është gjetur pas tri orësh në Plazhin e Madh në Ulqin, rreth orës 18:40 të së enjtes.

Mësohet se dy fëmijët e saj ishin në ujë, derisa ishte ngritur flamuri i kuq i rrezikut nga valët e mëdha. Ajo kishte hyrë për t’i shpëtuar fëmijët, kishte arritur t’i nxjerrë ata, por vetë kishte mbetur në ujë, njofton Klan Kosova. Dua Dauti-Kadriu do të varroset sot në Prizren, rreth orës 17.

Kjo është viktima e parë nga Kosova që ka vdekur tragjikisht në Ulqin, gjatë kësaj vere.