Shqipëria

Nënshkruhet heqja e vizave mes Shqipërisë dhe Kazakistanit

E premte, 23 Shtator 2022 - 11:20 albinfo.ch

Shtetasit nga Shqipëria dhe Kazakistani tashmë mund të udhëtojnë pa viza në të dy shtetet.

Ministrja për Evropën dhe Punët e Jashtme, Olta Xhaçka, zhvilloi një takim me ministrin e Jashtëm të Kazakistanit, Tileuberdi Mukhtar, gjatë vizitës së saj në SHBA.

Ministrja Xhaçka dhe ministri Mukhtar nënshkruan në Nju-Jork marrëveshjen për heqjen e vizave mes Shqipërisë dhe Kazakistanit.

Xhaçka u shpreh se kjo marrëveshje do të kontribuojë në intensifikimin e mëtejshëm të bashkëpunimit dypalësh dhe në lirinë e lëvizjes.

Në kryeqytetin kazak Astana ka një prani të konsiderueshme shqiptarësh, prej rreth 300-400 personash. Në Kazakistan punojnë nga 3-4 mijë shqiptarë në vit.

 Të tjera nga Shqipëria

Ambasada e re e Shqipërisë në Londër do të kushtojë 5.4 milionë euro

 E-Diaspora

 Jeta në Zvicër