Nënshkruhet marrëveshja historike për emrin e Maqedonisë

Pas 27 viteve do të përmbyllet një kapitull me shumë negociata, me shumë palë të përfshira dhe me shumë deklarata të dhëna se “pritet zgjidhje”. Marrëveshja historikë është nënshkruar në Nivici të Greqisë kurse pas këtij akti, Maqedonia më do të quhet MAQEDONIA E VERIUT/ Северна Македонија/North Macedonia,.

Nikolla Dimitrov dhe Nikos Kotzias nënshkruan këtë marrëveshje historike, që do të jetë edhe për partneritet strategjik për të ardhmen. Matthew Nimetz është në mes të dyve, si ka qenë në 27 vitet e negociatave në mes dy vendeve, përcjell albinfo.ch.

Delegacioni i Maqedonisë përbëhet nga zv. kryeministrja dhe ministrja e Mbrojtjes, Radmilla Sheqerinska Jankovska, zv. kryeministri për Çështje Evropiane, Bujar Osmani dhe ministri i Brendshëm, Oliver Spasovski.

Delegacioni i Greqisë përbëhet nga homologët e delegacionit të Maqedonisë.

Në nëshkrimin e marrëveshjes dëshmi janë përfaqësues të BE-së, OKB-së dhe Komisionit Evropian.