Nesër do të varroset ushtarja Zarife Hasanaj

Ushtarja e Forcave të Armatosura të Shqipërisë, Zarife Hasanaj, vdiq disa ditë më parë në Letoni derisa ishte duke kryer një mision dhe shpërthyen disa mina.

Sipas mediave shqiptare, ushtarakja Hasanaj do të varroset nesër me nderime të larta.

Nga ora 10:00 deri në 11:30 do të mbahen homazhet në nderim të ushtares.

Në orën 13:00 do të mbahet ceremonia e varrimit pranë varrezave “Dëshmorët e Kombit”.

Gjithashtu ushtarja Zarife Hasanaj është shpallur “Dëshmor i atdheut”, pasi humbi jetën në krye të detyrës.

Para se të nisej trupi i saj në Shqipëri, në Letoni u zhvillua edhe ceremonia lamtumirëse e ushtares.