Nesër pritet që KQZ të shpallë rezultatet përfundimtare të zgjedhjeve të 9 shkurtit

Foto FB: Komisioni Qendror i Zgjedhjeve

Nesër pritet që Komisioni Qendror i Zgjedhjeve të shpallë rezultatet përfundimtare për zgjedhjet e 9 shkurtit.

Shpallja e rezultateve do të jetë në rend dite në mbledhjen e nesërme, transmeton Albinfo.ch.

“Mund t’ju konfirmoj se të shtunën, më 15 mars 2025, Komisioni Qendror i Zgjedhjeve do të mbajë mbledhjen e radhës dhe në rend dite është shpallja e rezultateve përfundimtare të zgjedhjeve për Kuvendin e Republikës së Kosovës, të mbajtura më 9 shkurt 2025. Për orën e saktë të mbledhjes së KQZ-së do t’ju njoftojmë me kohë”, ka deklaruar zëdhënësi i KQZ-së, Valmir Elezi.

Ndryshe, sipas rezultateve të deritanishme, Lëvizja Vetëvendosje ka marrë 42.27% të votave, duke u renditur si partia më e madhe në vend. Partia Demokratike e Kosovës është e dyta me 20.96%, Lidhja Demokratike e Kosovës e treta me 18.28%, ndërsa Koalicioni AAK-Nisma i katërti me 7.07%.