Nga Gjermania nuk shkon më askush në IS

Pothuajse nuk ka mё udhёtime tё mbёshtetёsve tё milicёve terroristё tё IS-it (Shteti Islamik) nga Gjermania pёr nё territoret e luftёs nё Irak dhe nё Siri

Nuk ka më islamistë nga Gjermania qё luftojnё nё territoret e IS-it, thuhet nё njё raport tё policisё dhe mbrojtjes kushtetuese, shkruan ‘Deutsche Welle’ në gjuhën shqipe.

Pothuajse nuk ka mё udhёtime tё mbёshtetёsve tё milicёve terroristё tё IS-it (Shteti Islamik) nga Gjermania pёr nё territoret e luftёs nё Irak dhe nё Siri, thuhet nё njё studim tё pёrbashkёt tё Mbrojtjes Kushtetuese dhe policisё, citojnё mediat NDR, WDR dhe “Suddeutsche Zeitung”.

Ky studim do t’i paraqitet nё fund tё nёntorit Konferencёs sё Ministrave tё Brendshёm tё landeve nё Saarland, përcjell albinfo.ch.

Kur nё mes tё vitit 2014, IS shpalli nё zonat e pushtuara nё Siri dhe nё Irak Kalifatin, nё mbarё botёn islamistёt u “emocionuan dhe u mobilizuan nё njё masё tё paparё ndonjёherё”, thuhet nё raport. Vetёm nga Gjermania udhёtuan nё kohёn e pikut tё rekrutimeve nё kёtё rajon gati 500 vetё nё muaj. Mes korrikut  2015 dhe qershorit 2016 mesatarisht numri i atyre qё kanё udhёtuar ka qenё mё pak se pesё nё muaj”.

Kalifati nuk ka mё “aspak efekt tёrheqёs”, shkruajnё ekspertёt. Si arsye tё mundshme ata pёrmendin rritjen e presionit ushtarak ndaj IS-it nё rajon si dhe “kushtet e jetёs tё karakterizuara prej dhunёs dhe brutalitetit” nё Kalifat. Gjithashtu pёrforcimi i kontrolleve nё kufi dhe heqja e pasaportave kanё kontribuuar nё uljen e numrit tё tё rekrutuarve.

IS-i ndёrkohё po luftohet nё masё ushtarakisht nё epiqendrat e veta nё Siri dhe nё Irak. Nё de-facto-kryeqytetet e Kalifatit nё Raka tё Sirisё dhe nё Mosul tё Irakut po zhvillohen ofensiva tё mёdha, qё mbёshteten nga pala ndёrkombёtare.