Nga shtatori 2012, vetëm 4 viza humanitare

Para ndryshimit emergjent të ligjit, gjatë muajit shtator janë bërë 1800 kërkesa ndërkohë që një muaj më herët kishin qenë vetëm 800

Që nga 29 shtatori i vitit të kaluar, Zvicra nuk pranon më kërkesa të azilit që bëhen në përfaqësitë e saj diplomatike në botë. Natyrisht, me përjashtime të rralla, kur personave të caktuar u rrezikohet jeta në mënyrë të drejtpërdrejtë. Mbi këtë bazë, nga shtatori 2012 e deri më tash, Zvicra ka ndarë gjithsej katër viza humanitare, ndërsa tri raste tjera janë në shqyrtim.

Sipas njoftimeve nga Zyra Federale për Migracion (BFM), pikërisht në muajin para hyrjes në fuqi të kësaj ndalese kishte pasur një shtim të ndejshëm të kërkesave. Zvicra, deri atëherë, ka qenë vendi i vetëm i Evropës që ka pranuar paraqitjen për azil në përfaqësitë e saj diplomatike.

BFM konstaton se në muajt para ndryshimeve emergjente të ligjit mbi azilin ka pasur kërkesa të shtuara në ambasadat e Zvicrës për azil. Kështu, gjatë muajit shtator janë bërë 1800 kërkesa ndërkohë që një muaj më herët kishin qenë vetëm 800.

Sipas zëdhënëses së BFM-së, Gaby Szöllösy më së shumti kërkesa të tilla janë bërë në Sudan nga shtetasit e Eritresë.

Aktualisht në Zvicër janë gjithsej 14.076 persona kërkesat e të cilëve janë në shqyrtim nga BFM. Ato do të trajtohen sipas rregullave që kanë qenë në fuqi para ndryshimeve emergjente të bëra në shtator.

Pas 29 shtatorit është vendosur lidhur me kërkesat e gjithsej 3697 personave. 216 prej tyre u është lejuar hyrja në Zvicër, shkuan 20minuten.ch.