Nik Xhelilaj i lumtur për rolin kryesor në “Winnetou”

“Jam shumë i lumtur me rolin tim të ri. Jam duke mësuar gjermanishten”, ka thënë aktori shqiptar

Aktori shqiptar, Nik Xhelilaj, 33-vjeçar është përfshirë në një film klasik sipas librit të Karl-Mbay. Prodhimi i ri filmik do të shfaqet nga RTL, derisa aktori shqiptar do të ketë rolin kryesor, si Winnetou, shkruan ‘klatsch-tratsch.de’.

 

Filmat kinematografikë të viteve 60-të, në rolet kryesore me Lex Barker si Old Shatterhand dhe Pierre Brice si apashin-prijësin Winnetou, gëzojnë statusin kult tek shumë gjermanë, përcjell albinfo.ch.

 

Në prodhimin e ri të RTL-së me regji të Philipp Stölzl Old Schatterhand do të interpretohet nga aktori Wotan Wilke Mohring. Edhe Milan Peschel (si Sam Haekens), Jurgen Vogel (si Rattler) dhe Mario Adorf (si Santer Senior) luajnë në këtë prodhim.

 

Rolin kryesor do ta luajë një aktor deri tani jo shumë i njohur në Gjermani, 33-vjeçari shqiptar Nik Xhelilaj.

 

“Jam shumë i lumtur me rolin tim të ri. Jam duke mësuar gjermanishten”, ka thënë aktori shqiptar.

 

Miti i Winnetou është i njohur në Gjermani. Në fillim kishte miliona teleshikues, derisa më pas kaloi edhe në kinema. Tani pas më shumë se 50 vjetësh, RTL do ta ringjallë këtë mit përsëri.

 

Ky film do të shfaqet në Kinema më 29 dhjetor nga ora 22:45 deri në 00:30. Filmi është xhiruar në bukuritë natyrore të Kroacisë, derisa ka filluar të xhirohet nga gushti i vitit 2015.

 

Aktori Nik Xhelilaj apo emri i vërtetë i të cilit është Kreshnik është ideal për këtë rol, derisa i ka kushtuar rëndësi të madhe, si pamjes, po ashtu edhe gjuhës dhe personalitetit të ri.

 

 

 

 

---