Nikçi shënon në fitoren e FC Zurich

Në minutën 81’, Nikçi arriti të hapë rezultatin e ndeshjes

Në ndeshjen futbollistike të vlefshme për Kampionatin zviceran, në mes të ekipeve të FC Sion dhe FC Zurich, ekipi mysafir ka arritur të shënojë fitore të vlefshme në luftë për titullin e kampionit zviceran, duke iu afruar liderit të tabelës së klasifikimit FC Basel vetëm në dy pikë diferencë.

Po që se ekipi i Xherdan Shaqirit, sot pëson humbje, atëherë lufta për titull të kampionit do të jetë shumë interesante.

Gjithçka filloi nga fundi i pjesës së dytë, kur trajneri vendosi të futë në lojë dy rezervistët, Urs Fischer dhe Adrian Nikçi. Kosovari hyri në lojë në minutën 76’, duke zëvendësuar Schönbächler.

Në minutën  81’, Nikçi arriti të hapë rezultatin e ndeshjes, ndërsa katër minuta më vonë edhe rezervisti tjetër Fischer shënoi, duke e vulosur fitoren e rëndësishme për mysafirët.

Ndryshe, në këtë ndeshje u dallua edhe futbollisti tjetër shqiptar nga Maqedonia, Admir Mehmedi.