Nis ndërtimi i impiantit të ujërave të zeza në Mramor

“Jam i lumtur që qeveria e Çekisë mund ta ndihmojë Kosovën në një projekt të tillë. Një biznesmen çek ka thënë se kosovarët janë të besueshëm dhe bashkëpunojnë, kështu që ftoj edhe biznesmenët e tjerë të investojnë në Kosovë”, tha ambasadori Silhavy.

Është përuruar impianti për trajtimin e ujërave të zeza në fshatin Mramor të komunës së Prishtinës. Ky investim në vlerë prej 700 mijë eurosh është kryer me financim të Republikës çeke. Në inaugurimin e impiantit, ambasadori çek në Kosovë, Ivo Silhavy, tha se është i lumtur që vendi i tij po ndihmon në përmirësimin e jetës së qytetarëve të Kosovës.

“Jam i lumtur që qeveria e Çekisë mund ta ndihmojë Kosovën në një projekt të tillë. Një biznesmen çek ka thënë se kosovarët janë të besueshëm dhe bashkëpunojnë, kështu që ftoj edhe biznesmenët e tjerë të investojnë në Kosovë”, tha ambasadori Silhavy.

Ministri i Zhvillimit Ekonomik, Valdrin Lluka, deklaroi se ky projekt është shumë i rëndësishëm, pasi aktualisht në Kosovë trajtohen vetëm 2 për qind e ujërave të zeza.