Nis punën ambasadorja e re e Kosovës në Çeki

Albesjana Iberhysaj tash e tutje do të përfaqësojë Kosovën në marrëdhëniet e saj me Çekinë.

Ajo sot në cilësinë e ambasadores së Kosovës në Çeki ka paraqitur letrat kredenciale pranë kabinetit të Ministrisë së Punëve të Jashtme të Republikës së Çekisë, shkruan Albinfo.ch.

“Sot ia paraqita letrat kabinetit të Ministrisë së Punëve të Jashtme të Çekisë, duke nisur zyrtarisht mandatin tim si shefe e misionit të Kosovës në Çeki. Mezi presim të punojmë ngushtë, të thellojmë dhe të forcojmë më tej marrëdhëniet e Kosovës me Çekinë”, ka njoftuar Iberhysaj në llogarinë e saj në Twitter.

 

---