Nis viti i ri shkollor në Kosovë

Viti i ri shkollor 2011/2012, ka nis sot me debatin per mësim-besimin.

Në mesazhin e ministrit Buja, një urim i veçantë shkon për ata që do të ulen për herë të parë në bankat shkollore.

“Me rastin e fillimit të vitit të ri shkollor 2011/2012, shfrytëzoj rastin që përzemërsisht t’ju uroj fillimin e këtij viti, me dëshirën më të mirë që të kemi suksese të vazhdueshme dhe të pandërprera. Një urim të veçantë e kam për të gjithë ata që për herë të parë ulen në bankat shkollore: të kenë shëndetin e mirë, të kenë disiplinë të vazhdueshme dhe suksese të reja. Uroj suksese të barasvlefshme me bashkëmoshatarët tuaj në Evropë” thuhet në mesazhin e Bujës.Por pas votimit të së hënës, debati për futjen e edukatës fetare në shkolla po shkon drejt fundit.

Deputetët votuan kundër, ndërsa për ta përmbyllur atë, është përkujdesur ministri i Arsimit, Ramë Buja. Ai nuk ka dashur të komentoj shumë për votimin e deputetëve, e aq më pak të atyre të PDK-së. Megjithatë e ka komentuar në kapacitetet e ministrit.

“Futja e lëndës fetare në shkolla. Si ministër mbase mendoj se në shkolla publike është e panevojshme. Kushtetuta dhe ligjet e parashohin shumë qartë se ku duhet të mësohet” ka thënë Buja.Sipas tij gjatë diskutimeve me akterë të ndryshëm i ka lutur ata që ta vlerësojnë dhe të vendosin si të procedojnë më tutje për këtë çështje. Ministri Buja ka komentuar edhe për debatin e fundit të librave të historisë, duke thënë se ka shumë keqkuptime në këtë drejtim nga ana e medias