Nisma-AKR mund të mos e kalojnë pragun

Deri më tani sipas rezultateve preliminare të KQZ-së, partia e parë është Lëvizja Vetëvendosje me 25,81%, e dyta Lidhja Demokratike e Kosovës me 25,05%, e treta Partia Demokratike e Kosovës me 21,19% dhe e katërta kolaicioni AAK-PSD me 11.61%.

Ndërsa, koalicioni NISMA-AKR-PD rrezikojnë të mos e kalojnë pragun zgjedhor.

Koalicioni në mes Fatmir Limajt dhe Behgjet Pacollit ka rënë nën 5%, duke rrezikuar kështu hyrjen në Kuvend.

Në nenin 111 të Ligjit për Zgjedhjet e Përgjithshme në Republikën e Kosovës specifikohet qartë se ndarja e vendeve në Kuvend bëhet në bazë të numrit të përgjithshëm të votave të vlefshme që i ka fituar secili subjekt politik.

“Neni 111, pika 111.2 a) në mesin e subjekteve politike që përfaqësojnë komunitetin serb dhe komunitetet e tjera joshumicë dhe në mesin e subjekteve politike, të cilat nuk përfaqësojnë komunitetin serb dhe komunitetin joshumicë, të cilat kanë fituar së paku pesë për qind (5%) nga numri i përgjithshëm i votave të vlefshme në zgjedhjet për Kuvend”, përcjell albinfo.ch.