Një francez dhe një shqiptar kapen me 2 kg kokainë

Droga është gjetur më 3 tetor në Ebikon, (Lucern) gjatë kontrollimit të një makine me tabela të Francës.

Policia e Lucernit ka kapur dy persona të dyshuar për tregti me drogë. Ata kishin me vete dy pako me kokainë që peshonte më shumë se dy kilogramë.

Droga është gjetur më 3 tetor në Ebikon, (Lucern) gjatë kontrollimit të një makine me tabela të Francës. Në makinë ishte një shtetas 22 vjeçar i Shqipërisë dhe një 29 vjeçar, shtetas francez, ka njoftuar Policia e Lucernit sot, afër një muaj pas ndidhjes së rastit.

Në një qese letre brenda makinës ishin vendosur dy paketime në të cilat ishin fshehur më shumë se 2 kilogramë të drogës së tipit kokainë, transmeton albinfo.ch.

Janë arrestuar të dy të rinjtë ndërsa hetimet ndaj tyre është duke i zhvilluar Prokuroria Publike e Lucernit.

(Foto: Kapo Luzern)