Një i vdekur nga tornado në La Chaux-de-Fonds

Fotot në rrjetet sociale tregojnë pemë të rrëzuara, çatinë e rrëzuar të një shtëpie dhe një vinç ndërtimi që është rrëzuar

Një stuhi e fortë ka përfshirë rajonin La Chaux-de-Fonds në kantonin Neuchâtel të hënën pasdite (sot). Stuhia la një të vdekur dhe disa të lënduar, konfirmoi policia kantonale, transmeton albinfo.ch. Policia, duke folur për agjencinë e lajmeve Keystone-SDA, e ka përshkruar stuhinë si një tornado.

Dëmet materiale që ka shkaktuar stuhia janë të konsiderueshme. Fotot në rrjetet sociale tregojnë pemë të rrëzuara, çatinë e rrëzuar të një shtëpie dhe një vinç ndërtimi që është rrëzuar.

MeteoSwiss kishte paralajmëruar për stuhi të forta në gjithë harkun e Jurës. Stacioni zyrtar i motit ka matur një rekord të erës prej 217 kilometrash në orë.

---