Një miliard fitim i pastër për SWATCH

Sipas përfaqësuesve të SWATCH ky është rezultat rekord i shënuar nga koncerni deri më tash

Koncerni zviceran i industrisë së orëve, SWATCH, gjatë vitit 2010 ka shënuar fitim të pastër prej 1 miliard frangash. Ky fitim është për 41 për qind më i madh se sa ai i shënuar një vit më parë.

Ndërkaq, qarkullimi vjetor i SWATCH për vitin që shkoi ishte 6.4 miliardë franga, ose 18 për qind më i madh se në vitin paraprak. Gjatë vitit 2010 po ashtu janë hapur 1600 vende të reja pune në kuadrin e këtij gjiganti të industrisë së orëve me qendër në Biel/Bienne.

Rezultatet e përmendura, janë, sipas përfaqësuesve të SWATCH në vlera rekorde, dhe më të lartat të arritura nga koncerni deri më tash.