Një rast tjetër i konfirmuar i mutacionit të Afrikës së Jugut në Ticino

Ky rast tregon se varianti i Afrikës së Jugut i virusit është konfirmuar zyrtarisht tashmë për herë të tretë

Një tjetër rast infeksioni i variantit të ndryshuar (mutant) të koronavirusit që vjen nga Afrika e Jugut është raportuar në kantonin Ticino, shkruan srf.ch.

Gruaja që ka rezultuar pozitive për mutacionin e virusit nga Afrika e Jugut në Ticino tashmë ndodhet në izolim, ka njoftuar departamenti kandonal i shëndeti, transmeton albinfo.ch.

Ajo kishte ardhur  nga Afrika e Jugut në Ticino ku ndodhet edhe tani. Gruaja në fjalë kishte dalë pozitive para Krishtlindjes.

Ky rast tregon se varianti i Afrikës së Jugut i virusit është konfirmuar zyrtarisht tashmë për herë të tretë.

BAG kishte raportuar të martën për dy raste të konfirmuara “jugafrikane”.

Ndërkaq deri tani në Zvicër janë pesë raste të konfirmuara të mutacionit të Britanisë së Madhe, përcjell albinfo.ch. Të gjitha janë raportuar në fund të dhjetorit.

---