Numër rekord i veturave elektrike

Megjithatë, në numrin e përgjithshëm prej 314 mijë të automjeteve të regjistruara në vitin 2017 vetëm 1.5 për qind kanë qenë elektrike

Gjatë vitit të kaluar në Zvicër janë regjistruar makina elektrike në numër rekord në krahasim me vitet pararendëse. Por përkundër kësaj, në numrin e përgjithshëm prej 314 mijë të automjeteve të regjistruara në vitin 2017 vetëm 1.5 për qind kanë qenë elektrike.

Ndonëse një numër i tillë ende nuk mund të konsiderohet sukses i vërtetë, në Swiss eMobilty thonë se përcaktimi i zviceranëve për elektromobilë është bërë më i madh ndërsa prodhimi i këtyre automjeteve po bëhen gjithnjë më i levërdishëm.

Nga ana tjetër, kuota e automjeteve “hibride” gjatë vitit të kaluar ka arritur në afër 4 për qind të të gjitha automjeteve të regjistruara në Zvicër. Kjo përqindje përbën po kështu një rekord, thonë në shoqërinë Swiss eMobility, e cila angazhohet në favor të elektromobilitetit në Zvicër.