Numri i të infektuarve, viktimave dhe të shëruarve në Zvicër

Numri i rasteve të reja të konfirmuara (326) ka shënuar një ulje të vogël në krahasim me një ditë më parë. Është me rëndësi të dihet se ky rezultat ka dalë nga një numër i njëjtë testimesh të bëra

Numri i infeksioneve të reja të konfirmuara me koronavirus në Zvicër dhe Lihtenshtajn,  është rritur për 326 brenda një dite. Sipas BAG, të shtunën ishin gjithsej 27.404 raste të konfirmuara dhe 1.111 vdekje, shkruan srf.ch.

Sidoqoftë, numri i rasteve të reja të konfirmuara (326) ka shënuar një ulje të vogël në krahasim me një ditë më parë, transmeton albinfo.ch. Është me rëndësi të dihet se ky rezultat ka dalë nga një numër i njëjtë testimesh të bëra, njofton Zyra Federale e Shëndetit Publik (BAG).

Ditën e Premte, ishin raportuar 346 infeksione të reja. Të paktën 3,257 njerëz kanë qenë të shtruar në spital për sëmundjen Covid-19 konfirmuar nga laboratori .

Sipas agjencisë së lajmeve Keystone-SDA, numri i vdekjeve në të gjitha kantonet është rritur në 1369. Ndërsa deri të shtunën në mbrëmje, Kantoni i Vaudit ka qenë në krye me 291 vdekje, përpara Ticino-s me 277 vdekje. Në proporcion me popullsinë, kantoni i Gjenevës ka pjesën më të madhe të infeksioneve.

Keystone-SDA analizon të dhënat zyrtare të disponueshme në faqet e internetit të kantoneve dhe i riaktualizon ato dy herë në ditë, në mesditë dhe në mbrëmje, përcjell albinfo.ch Sipas këtij regjistrimi, kantonet  Obwalden dhe Appenzell-Innerrhoden janë të vetmet deri më tani pa asnjë të vdekur.

Ndërsa sipas Worldometers.info me rastet e reja sot në Zvicër kanë qenë gjithsej 1368 të vdekur nga koronavirusi. Ndërkaq, po sipas kësaj platforme deri më tani kanë gjetur shërim 17.100 persona të infektuar.

 

---