Lajme
Nxënësit zviceranë, dy muaj prapa me mësime, për shkak të koronës
Nxënësit në nivel botëror, kanë humbur më shumë se një të tretën e materialit mësimor. Ndërsa në Zvicër, ata kanë humbur një të gjashtën
Sipas një studimi ndërkombëtar të realizuar në shkallë të gjerë, pandemia e koronës ka ngadalësuar ndjeshëm përparimin e të nxënit të nxënësve, transmeton albinfo.ch. Zvicra, megjithatë ka performuar më mirë se vendet e tjera.
Në përgjithësi, nxënësit, sipas studimit, kanë humbur më shumë se një të tretën e materialit mësimor të një viti normal shkollor. Ndërsa në Zvicër, megjithatë, ata kanë humbur vetëm rreth një të gjashtën.
Deficiti i nivelit të të mësuarit është shumë më i theksuar në matematikë sesa në lexim, shkruajnë autorët nga Franca, Suedia dhe Britania e Madhe në studimin e publikuar në revistën “Nature Human Behaviour”.
Ata e justifikojnë këtë duke thënë se prindërit dhe fëmijët më shumë ndodhë të lexojnë së bashku në shtëpi sesa të zgjidhin probleme matematikore, shkruan srf.ch.
Arsyeja e mungesës së përparimit në mësime është mbyllja e shkollave gjatë pandemisë. Autorët e studimit vlerësojnë se 95 për qind e të gjithë nxënësve të shkollave në mbarë botën janë prekur nga kjo. Problemet e shëndetit mendor dhe fizik mund të kenë përkeqësuar deficitet, sipas autorëve.
Në përgjithësi, përparimi në të mësuar ka pësuar më shumë te fëmijët me status të ulët socio-ekonomik, transmeton albinfo.ch. “Kjo sugjeron që pabarazitë arsimore midis fëmijëve me prejardhje të ndryshme janë përkeqësuar gjatë pandemisë,” shkruajnë autorët në studim.
Autorët kanë zbuluar gjithashtu se ndërkohë deficitet e të mësuarit qenë shfaqur në fillim të pandemisë, ato nuk u ulën ose u rritën ndjeshëm as me kalimin e kohës.
Studimi bazohet në një meta-analizë të 42 studimeve nga 15 vende me të ardhura të larta dhe të mesme ,të publikuara midis marsit 2020 dhe gushtit 2022. Shumica e studimeve të analizuara kishin të bënin me Britaninë e Madhe dhe SHBA, dy studime kishin të bënin me Zvicrën.
Në vendet me të ardhura mesatare si Brazili dhe Meksika, deficiti i të mësuarit ishte më i madh se në vendet me të ardhura të larta si Zvicra, apo SHBA dhe Britania e Madhe.
Është e paqartë se sa rëndë janë prekur fëmijët nga vendet me të ardhura të ulëta nga mungesa e të mësuarit. Nuk ka studime përkatëse nga këto vende.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën