Oficerët, kundër mbajtjes së armëve në shtëpi

"Nuk ka argumente që nga aspekti ushtarak do të justifikonin mbajtjen e armëve në shtëpi" thonë një grup oficerësh

Një numër oficerësh aktivë dhe ish oficerësh kanë dalë sot publikisht në përkrahje të iniciativës “Për mbrojtje nga dhuna e armëve”, të iniciuar nga SP dhe organizata të ndryshme pacifiste.

Ata po ashtu u janë drejtuar medieve në Bernë, duke mbështetur argumentet e tyre në favor të iniciativës, për të cilën do të vendoset më 13 shkurt në referendum.

“Nuk ka asnjë arsye që nga aspekti ushtarak do të justifikonte mbajtjen e armëve në shtëpi”, citon news.ch oficerët një komunikatë të oficerëve drejtuar opinionit.

“As për rastet e mobilizimit dhe as për qitjen e obligueshme me armë, nuk ka ndonjë arsye serioze për mbajtjen e armëve në shtëpi”, ka thënë Urs W. Honegger, një ish komandant kompanie.

Nga ana tjetër, sipas oficerëve në fjalë, mos mbajtja e armëve të shërbyesve ushtarakë në shtëpitë e tyre zvogëlon rrezikun nga aktet e dhunës dhe vjedhjet.