Optimizëm në Gjenevë: “Të paktën situata nuk po keqësohet më”

Megjithatë, 400 veta, ose një e dhjeta e të gjithë banorëve të shtëpive të të moshuarve në kanton, kanë rezultuar me Covid-19

Në kantonin e Gjenevës, autoritetet shëndetësore janë duke parë shenja të stabilizimit të pandemisë së koronavirusit.

“Të paktën situata nuk po përkeqësohet më” ka thënë drejtori i përgjithshëm i shëndetësisë, Adrien Bron, të premten para mediave, shkruan sda.ch.

Por, megjithatë ndodhemi para sfidave. Sepse me 629 pacientë Covid-19 të shtruar në Spitalin Universitar HUG dhe klinikat e tjera, situata është shumë e tensionuar, ka vazhduar Bron.

Sipas autoriteteve, megjithatë, situata në shtëpitë e pleqve është shqetësuese, transmeton albinfo.ch. Atje, rastet e Covid-19 kanë shpërthyer në kuptimin e drejtpërdrejtë të kësaj fjale, në dy javët e fundit.

400 veta, ose një e dhjeta e të gjithë banorëve të shtëpive të të moshuarve në kanton, kanë rezultuar me Covid-19.

Në disa shtëpi, madje janë më shumë se 40 për qind të banorëve që kanë marrë virusin, përcjell albinfo.ch. Institucionet raportojnë më shumë se dhjetë vdekje për çdo javë. Megjithatë, kantoni i Gjenevës nuk dëshiron të kufizojë vizitat në shtëpitë e të moshuarve.

 

---