Osmani, për trazirat e 29 majit: Mosndëshkimi duhet të marrë fund

Osmani për 1-vjetorin e sulmit në veri: U bë me urdhra të Vuçiqit, mosndëshkimi i ka inkurajuar për agresionin në Banjskë

Së fundmi, Presidentja e Kosovës, Vjosa Osmani, është shprehur se autorët e protestave të dhunshme të 29 majit duhet të mbahen përgjegjës, përcjell albinfo.ch.

Një vit pas protestave në kundërshtim të vendosjes së kryetarit të Zveçanit në zyrë, Osmani ka thënë se grupet serbe të krimit të organizuar kryen sulmet mbi policët e ushtarët e KFOR-it përmes urdhrave politikë nga regjimi i presidentit serb, Aleksandër Vuçiq.

“Autorët, të cilët ende enden të lirë nëpër Serbi dhe mbrohen nga regjimi i Vuçiqit, duhet të mbahen përgjegjës. Mosndëshkrimi vetëm i ka inkurajuar ata të përsërisin sulmet, siç tregohet qartë nga akti i agresionit të 24 shtatorit nga Serbia”, ka shkruar ajo në X.

Osmani ka shtuar se sulmuesit dhe ata që dhanë urdhra dihen qartë.

 

---