Paraburgim për tre të dyshuarit për vrasjen e Vanja Gjorçevskës

Gjykata Themelore Penale e pranoi propozimin e Prokurorisë Themelore Publike Shkup dhe caktoi masën paraburgim prej 48 orësh për tre personat, të cilët dyshohen për vrasjen e 14-vjeçares, Vanja Gjorçevska.

Ndalimi i tyre përcaktohet për shkak të rrezikut të arratisjes, ndikimit tek dëshmitarët dhe kryerjes së një krimi të ri. Që të tre janë dërguar në burgun hetimor në Shutkë.

14-vjeçarja Vanja Gjorçevska, që ishte zhdukur para një jave, është gjetur pa shenja jete në Veles.

Ajo mendohet të jetë vrarë ditën që ishte zdukur dhe pranë trupit të saj është gjetur i vrarë edhe një 70-vjeçar, shkruan Alsat M.