Paralajmërohet valë e fuqishme e të nxehtit

Sipas parashikimeve të fundit, nga e enjtja, më 14 korrik dhe të paktën për dhjetë ditët në vijim Evropa do të goditet nga ajo që mund të jetë vala më e fuqishme afrikane e të nxehtit, duke shënuar ditët më të nxehta të verës 2022.

Gjatë fundjavës dhe deri të mërkurën më 13 korrik do të kemi kushte të qëndrueshme moti: me diell në gjithë vendin dhe temperatura në përputhje me mesataret e stinës ose maksimumi pak më të larta.

“Pra, nxehtë, po, por pa teprime dhe pa mundimin e vapës, siç ka ndodhur javët e fundit”, kështu deklaroi Mattia Gussoni, meteorologu i faqes www.iLMeteo.it. Më pas, duke nisur nga data 14 korrik, temperaturat do të shënojnë mbi 38-39°C, që do të vazhdojnë po njësoj që nga e premtja, deri të paktën më 22 korrik.