Paralajmëron qeveria serbe, ”Autostrada e Paqes” Nish-Prishtinë nis vitin e ardhshëm

''Seksioni Nish-Ploçnik është 36 kilometra i gjatë, ndërkohë që i gjithë projekti kushton 212 milionë euro”, deklaroi Mihajloviç, zëvendëskryeministre serbe

Zëvendëskryeministrja serbe, njëherësh ministre e Ndërtimit, Transportit dhe Infrastrukturës, Zorana Mihajloviç, dekalroi sot në Beograd, se vitin e ardhshëm Qeveria e Serbisë do të fillojë ndërtimin e seksionit të parë të së ashtuquajturës ”Autostrada e Paqes” që nis nga Nishi në drejtim të Prishtinës e Durrësit.

”Seksioni Nish-Ploçnik është 36 kilometra i gjatë, ndërkohë që i gjithë projekti kushton 212 milionë euro”, deklaroi Mihajloviç, sipas të cilës,

ky seksion do të ndërtohet me ndihmën edhe të Bankës Evropiane të Investimeve (EIB) dhe Bankës Evropiane për Rindërtim dhe Zhvillim (BERZH).

Mihajloviç tha se projekti i dokumentacionit ishte financuar nga Fondi i Ballkanit Perëndimor, citok kp.

“Nuk ka rrugë që nuk është domethënëse për Serbinë. Kjo rrugë nënkupton lidhjen me rajonin. Serbia nuk ka det dhe kjo është arsyeja që ajo ka nevojë për porte”, deklaroi zëvendëskryeministrja serbe, Mihajloviç.

Ndryshe, nga ana e Kosovës, kjo autostradë është e ndërtuar nga Tirana deri në Besi afër Prishtinës, ndërsa është parashikuar të përfundoj në Merdare. Kjo autostradë nga pjesa shqipatre quhet ”Rruga e Kombit”, transmeton albinfo.ch.